ตามฮอยคนอีสานบ้านเฮา

ทางถนน.ลดเลี้ยว .....หอนสิท่อ.ใจคน
เว้าเวียนวนบ่อยู่ฮอย..แต่งคำตอยจาต้าน
คำเว้าจายามพ้อ...กะเออ.ออ.ตามว่า
ปาดปิ่นหลังหนีหน่า..คำจานั่นผั่นล่องลม

ช่างมาตั๋วหลอกต้ม...ให้ขมขื่นหัวใจ
สังบ่ไขควมจริง...สิ่งกระทำบ่สมเว้า
เฮ็ดให้เฮา.เสียเพื่อน....ร้อยคำเตือน.ที่บอกกบ่าว
มีแต่จาว.บ่เตื้อง....ดั่งที่เว้าต่อกัน

#สิฮู้บ่ว่านั่น.ปานมีดบั่น.สัมพันธ์สิทธิ์
มันออกฤทธิ์จนใจ..เน่าทางในเมิ้ดสิ้น
เฮาหรือยินดีช่วย...ผั่นเอาชวยมาทิ่มใส่
มันกินใจเหี่ยวหญ่อ..แนวที่พ้อพบมา

นี่ละน้อเผิ่นเว้า....คำเฒ่าเก่าเคยจา
สัจวาจาบ่จริงใจ...ปานถูกไฟลนก้น
ใจของคนเฮานั้น...สารพันสินำหยั่ง
เอาลำไผ่จักแสนบั้ง..หยั่งบ่ซอดดอกหน่วยใจ.
คนเฮานี่น้ออออ..

บทผญาโดย : ปาร์ค จีวอน
ภาพโดย : มหาบ้านนอก