หน้าแรก ตรวจหวย เว็บบอร์ด ควิซ Pic Post แชร์ลิ้ง หาเพื่อน Chat หาเพื่อน Line Page อัลบั้ม คำคม Glitter เกมถอดรหัสภาพ คำนวณ การเงิน ราคาทองคำ กินอะไรดี
ข้อตกลงการใช้บริการนโยบายความเป็นส่วนตัวนโยบายเนื้อหานโยบายการสร้างรายได้About Usติดต่อเว็บไซต์แจ้งเนื้อหาไม่เหมาะสม
เว็บบอร์ด บอร์ดต่างๆค้นหาตั้งกระทู้

บทกลอนผญาครองธรรม

เขียนโดย

ลูกสิดีและฮ้ายพ่อกับแม่เป็นคนหัด มีแต่เฮือนบ่มีวัดเรื่องเจริญบ่เดินก้าว
บ่ว่านางหรือท้าวศาสนาอย่าป๋าปล่อย คันบ่ได๋เฮ็ดหน่อยกะขอให้ได๋เฮ็ดหลาย
ตั้งใจฟังแหน่น้องอ้ายอย่าฮ้ายจ่มคุยกัน มาเถิงตอนสำคัญสิแผ่ผายขยายเว้า
ดีใจนำฝูงเจ้าศีลทานทางได้สร้างก่อ ผู้ฉลาดวาดพ้อสิเห็นข๋ออีกหน่อแหนง
บ้านเมืองเฮาบ่แห้งแล้งน้ำท่าทั้งอาหาร เลี้ยงลูกหลานทั้งเณรพระบ่ละไลดีใจด้วย
ไผว่าศาสนาส๋วยฉันขอทวยว่าบ่แม่น สายศรัทธายังหมั๋นแก่นทั้งหนุ่มสาวและผู้เฒ่าไผสิเว้ากะซ่างตาม………พี่น้องเอยพ่อแม่เอ้ย.

ศาสนานับมื้อส๋วยคันกระบวยนับมื้อซื่อ ซุมผู้สาวนับมื้อดื้อตีคิ้วใส่พระเณร
เป็นนำวันและมื้อสมัยใหม่มาแทน หนทางแปนแต่จิตใจคนฮก รกรุงรังล้น
เสียงสาละวนคนบ้าตัณหากวมกุ้มกิเลส บ้านำเปรตห้าร้อย พากันป้อยอยู่บ่ถอง
ฟังเบิ่งเด้ออ้ายน้อง บ้านกับวัดอย่าขัดกัน เพลจังหันอุปถัมภ์พระสงฆ์องค์เจ้า
อย่าสุพากันเว้า ยากนำนาบ้านำหนี้ หนิ๋งผู้นี้ผู้นั้นบ้าง ทางจัวน้อยสิจ่อยตาย
โยมทั้งขวาและซ้าย ฟังสาก่อนอย่านอนจิต พากันตรองพากันคิด พระสิหนีบ่พีอ้วน
ควรบ่ควรตรองดูถ๋อน เจริญพรซ้อนลายอ่วย ยามเจ็บเป็นเอ็นป่วยซ่อยฝนยาหาฮากหว่าน เสียงต้านแน่เป็นหยัง พี่น้องเอย……


คันสิคอยบุญมาค้ำคันบ่ทำกะบ่แม่น คอยแต่บุญส่งให้มันสิได๋บ่อนได๋
คือจั่งเฮามีอาหารไว้ บ่เอากินมันบ่อิ่ม มีลาบคั่นบ่เอาข้าวคุ้ย ทางท้องบ๋ฮ่อนเต็ม
คันเจ้าเป็นสาวนั้น ครองธรรมให้มันคล่อง ตีนผมให้หล่ำเกลี้ยง ตีนซี่นให้หล่ำเพียง
คันแม่นมีความฮู้ เต็มพุงเพียงปาก กะตาถ่อน คันแม่นสอนตนเองบ่ได๋ ไผสิย่องว่าดี
คันเจ้ามีความฮู้อย่าถือโตฮวดอง ให้ลงมาสู้พื้นยืนดินได๋สำสู่คน
คันแม่นสังโฆเจ้าบ่ถือคลองคำสวด แม่นสิบวชฮอดเฒ่าบุญเจ้ากะบ่มีดอกเด้อ
คันแม่นบวชมาแล้วให้ถือฮีตคำสอน อย่าได๋ครองธรรมแห่งองค์พุทโธเจ้า
คันบ่มีศีลสร้างบาปกรรมสินำไล่เอาตี้ ชาวบ้านเขาไหว้สุมื้อเขาหวังพึ่งดอกส่วนบุญ

ศาสนานับมื้อจั้น โลกมันปั่นหันไป บัดจิตใจของคน สิวกวนวายวุ้น
โลกมันหมุนไปหน้า ราคาเงินสิตกต่ำ ศีลธรรมสิขาดส่อย เด็กน้อยสิย่ำยี
โลกป่นปี้ ฮ้อนแฮงป่านไฟลน เพราะว่าคนบ่มีศีลธรรม บ่ล่ำนำคลองเค้า
มีแต่มัวเมาเล่น ระเริงหลงในความชั่ว ฮ้อดบ่กลัวบาปฮ้าย เวรข่องแล่นนำ
หาค่ำเซ้า ฟ้าวฟั่งแต่นำเงิน หลงเพลิดเพลินมัวกาม ชั่วทรามไปตามเรื่อง
โลกมันเอี่ยงไปหน้า ศาสนาเฮากะคอยเงี่ยง นั่นแล้ว ลางคนเอาบุญมาบังหน้า เอาสุราเป็นที่เพิ่ง
เอาบันเทิงเป็นที่ตั้ง หวังสิได๋ชื่อเสียง ควายงัวเกลี้ยง เป็ดไก่ทยอยตาย
บุญทำลายศีลธรรม บาปกรรมสินำต้อง ให้เจ้าตรองไปถ่อน มนุษย์คนผู้ประเสริฐ
อย่าเตลิดล่องล้ำ ศีลธรรมเจ้าหน่อพุทโธ ศาสนานับมื้อข่อนนับมื่อย่อนทางศีลธรรม
มันเป็นกรรมของมนุษย์ พุทธองค์ทรงสอนไว้ กรรมอันใดไผทำสร้าง สิทางดีหรือทางชั่ว

กรรมย่อมติดตามโต อยู่นำสุมื้อ คือ แท้ดั่งเงา พุทธองค์ทรงบอกกล่าวชาวมนุษย์
อย่าทำความทุกข์ ทรุดทรามยามฮ้าย มันสิตายลงหม้อ นรกอเวจีเดือดฮ้อน
จี่จั่งเขียดอีโม้ ลงหม้ออ่อมแกง พี่น้องเอย……พ่อแม่เอย.
พี่น้องเอย……คนจนนี้อดทนอย่าได้บ่น แม่นสิทุกข์มากล้น กะทนไว้อย่าไล
ถึงสิทุกข์ยากไร้ ก็ต้องค่อยอดทน แม่นสิเป็นคนจน ก็อย่ามีความคร้าน
อย่าสิมีความย้าน การงานน้อยใหญ่ หนักกะเฮ็ดได๋เบากะเฮ็ดได๋ ใจนั่นต้องค่อยทน
อย่าสิคร้านลื่นล้น จนว่าบ่เอ็ดหยัง วังแต่ทางขอทาน อย่างเดียวบ่เป็นก้าว
เฮาต้องไววาฟ้าว ขยันงานการก่อ อย่าสิได้ย่อท้อ ขอสู้ต่อไป
งานหนักเบากะได๋ ว่าตั้งแต่มันมี ให้ยินดีหาทำ ส่ำใดบ่มีย้าน
จนท่อใด๋แห่งคร้าน งานบ่มีเหลียวหล่ำ ทุกข์ท่อใด๋แห่งซ้ำ มันระกำใจแท้นอ…อ้ายน้องเอย

มื้อนี้มีแนวต้อน เป็นบทกลอนผญาย่อย
คอยฟังไปหากสิฮู้ สิเห็นแจ้งบ่อนจริง
คุณพ่อแม่หนักอย่างยิ่ง บ่มีสิ่งสิมาปูน
ไผสิลืมสองพระพรหม สิจุ่มจมตกย้อย
คอยฟังเด้อคุณแม่เจ้า รอฟังเอา ลองฟังเบิ้ง
ถึงบั่นบอนตอนได๋ไห้ น้ำตาไหลรั้งย้อย
ให้คอยช้วนเช็ดเอา…….อ้ายน้องเอย

เนื้อหาโดย: MON
⚠ แจ้งเนื้อหาไม่เหมาะสม 
MON's profile
มีผู้เข้าชมแล้ว 12,226 ครั้ง
เขียนโดย MON
เป็นกำลังใจให้เจ้าของกระทู้โดยการ VOTE และ SHARE
64 VOTES (4/5 จาก 16 คน)
Hot Topic ที่น่าสนใจอื่นๆ
จังหวัดที่ชาวต่างชาติชอบที่สุด สำหรับการมาใช้ชีวิตหลังวัยเกษียณทำไมพังพอนถึงกล้าสู้กับงูเห่า ทั้งที่ไม่ได้กันพิษได้ทุกอย่างเกิดเป็นมนุษย์ยากแค่ไหน อุปมาเต่าตาบอดกับห่วงไม้ในพุทธศาสนาบอกอะไรเราทำไมคนส่วนใหญ่ถนัดขวา มากกว่าถนัดซ้าย วิทยาศาสตร์อธิบายไว้หลายทางปลานิลกับปลาทับทิม ต่างกันตรงไหน ทำไมเลี้ยงแล้วคุ้มไม่เหมือนกันโรงแรมหรูในประเทศไทย ที่ลูกค้าส่วนใหญ่เป็นคนจากต่างชาติประเทศที่เคยคว้าแชมป์ฟุตบอลโลก มาครองได้เพียงครั้งเดียว มีอยู่ 2 ประเทศ7 มหาวิทยาลัยไทยพื้นที่กว้างระดับเมืองย่อม ที่ไม่ได้มีแค่อาคารเรียนทำไมอายุ 30-40 แล้วยังรู้สึกเหมือนเด็ก?มอเตอร์ไซค์สงครามโลกครั้งที่ 2 ทำไมรถสองล้อเหล่านี้ถึงกลายเป็นตำนานสนามรบเลข 962 ทำไมถึงสะดุดตานักซื้อหวยงวดวันที่ 1 กรกฎาคม 2569เปิดตำนาน “ฮกลกซิ่ว” จากพรศิลาแห่งเทพเจ้า สู่หินมงคลเปลี่ยนชีวิต
Hot Topic ที่มีผู้ตอบล่าสุด
โรงแรมหรูในประเทศไทย ที่ลูกค้าส่วนใหญ่เป็นคนจากต่างชาติ
ตั้งกระทู้ใหม่