Hip-hop laos

ຫຼາຍໆຄົນອາດຈະຮູ້ຈັກນັກເຕັ້ນໂຄເວີເຄປັອບແລ້ວ, ແຕ່ມື້ນີ້ມ່ວນຈະພາທຸກຄົນໄປຮູ້ຈັກທີມເຕັ້ນ Hip-Hop ທີ່ຢູ່ມາແລ້ວ 6 ປີ ແລະ ສະມາຊິກບາງຄົນກໍມີປະສົບການໃນການເຕັ້ນມາ 10 ກວ່າປີອີກດ້ວຍ 🤩 ພວກເຂົາເປັນທີມທີ່ກໍາລັງຮັອດຮິດໃນຊ່ວງນີ້, ຖ້າພ້ອມແລ້ວກໍໄປຮູ້ຈັກ OG-KIDZ ກັນເລີຍ!

.

ປັດຈຸບັນ ສະມາຊິກທີມ OG-KIDZ ມີທັງໝົດ 6 ຄົນ ແລະ 3 ເດັກເຝິກທີ່ຍັງບໍ່ທັນໄດ້ເປັນສະມາຊິກທີມເຕັມໂຕເທື່ອ.

.

- ສະມາຊິກທັງຫົກຄົນປະກອບມີ: 

1. ທ. ວຽງນະຄອນ ໄຊຍະສອນ (ໂຕປ໊ຽກ) AKA: Smallblack

2. ນ. ທັດສະນີວັນ ຫຼວງລາດ (ໂບ) AKA: RealB

3. ທ. ຈິດຕະກອນ ໄຊຍະສອນ (ຈິດ) AKA: Smallboy

4. ນ. ສິລິລັກ ພິມສຸວັນ (ບຸມ) AKA: Boum

5. ທ. ຈະເລີນຊັບ ວິສີສົມບັດ (ມັນນີ້້) AKA: Money Depp

6. ທ. ນິລັນດອນ ບຸບຜາ (ລັກກີ້) AKA: Baxara

- ເດັກເຝິີກມີ:

ທ. ຈິນດາວົງ ຫຼວງລາດ (ຢູກິ) AKA: Yuki

ທ. ບຸນປອນ ມິດທະວົງ (ປອນ) AKA: Ghetto boy

ທ. ລັດຕະກອນ ທຸຍຍະວົງ (ຢຸ້ນ) AKA: Younny

.

1. ແຕ່ລະຄົນມາຢູ່ນໍາກັນໄດ້ແນວໃດ? ຢູ່ນໍາກັນດົນແລ້ວບໍ?

ແຕ່ລະຄົນແມ່ນມາຢູ່ນໍາກັນຍ້ອນ ທຸກຄົນມັກເຕັ້ນແນວດຽວກັນ, ມີ Life style ອັນດຽວກັນ ແລະ ມີຄວາມຄິດເປົ້າໝາຍຄ້າຍຄືກັນ. ກ່ອນໜ້ານີ້ສຳລັບສະມາຊິກລຸ້ນບຸກເບີກ ກໍຈະເປັນອາຈານ ແລະ ລູກສິດກັນ ກໍເລີຍເຮັດໃຫ້ມີທີມນີ້ຂຶ້ນມາ. ປັດຈຸບັນ ທີມຂອງພວກເຮົາກໍມີອາຍຸຄົບ 6ປີແລ້ວ.

.

2. ຄວາມໝາຍຂອງຊື່ທີມ OG-KIDZ ແມ່ນຫຍັງນໍ້?

ເລີ່ມຈາກຄວາມໝາຍຂອງຄໍາວ່າ OG ເຊິ່ງແປໄດ້ຫຼາຍຄວາມໝາຍຫຼາກຫຼາຍແຮງ. ແຕ່ຕອນທີ່ຕັ້ງຊື່ທີມນີ້ ກໍບໍ່ໄດ້ຄິດຫຍັງຫຼາຍ ໂຕຫຍໍ້ຄຳວ່າ OG ສຳລັບພວກເຮົາກໍງ່າຍໆເລີຍມາຈາກ Original. ສ່ວນຄຳວ່າ KIDZ ກໍຕາມໂຕເລີຍ (ໃສ່Zໃຫ້ເບິ່ງເທ່ຊື່ໆ) ເດັກນ້ອຍ. ຕອນນັ້ນ ທີມເຮົາກໍມີແຕ່ເດັກນ້ອຍແດ່ ບວກກັບມີຄວາມຂີ້ດື້ທີ່ເປັນພື້ນຖານດັ້ງເດີມຂອງເດັກນ້ອຍໄວນີ້ນຳ ກໍເລີຍກາຍເປັນ Original Kidz ຫຼືວ່າ OG-KIDZ.

.

3. ຜົນງານທີ່ຜ່ານມາຂອງທີມມີຫຍັງແດ່?

ຜົນງານທີ່ຜ່ານມາຂອງທີມມີຫຼາຍອັນ ຫຼາຍປະເພດ ບໍ່ວ່າຈະເປັນຄລິບເຕັ້ນຕ່າງທີ່ໄດ້ອັບໂຫຼດລົງໃນໂຊຊຽວ, ການແຂ່ງຂັນເຕັ້ນປະເພດດ່ຽວ, ຄູ່ ຫຼື ທີມ ທີ່ມີການແຂ່ງຂັນທັງພາຍໃນ ແລະ ຕ່າງປະເທດ.

.

4. ຜົນງານທີ່ພາກພູມໃຈທີ່ສຸດແມ່ນຜົນງານໃດ? ຍ້ອນຫຍັງ?

ຜົນງານທີ່ພວກເຮົາພູມໃຈທີ່ສຸດແມ່ນທຸກຜົນງານເລີຍໄດ້ບໍ່? ຮ່າຮ່າໆ ເພາະວ່າໃນທຸກໆຜົນງານພວກເຮົາເຕັມທີ່ ແລະ ຕັ້ງໃຈກັບມັນໝົດເລີຍ ຖ້າຈະໃຫ້ເລືອກອີ່ຫຼີກໍຄືຈະເລືອກບໍ່ໄດ້.

.

5. ໃນເສັ້ນທາງການເປັນນັກເຕັ້ນຂອງທີມເຄີຍມີອຸປະສັກຫຍັງບໍ່? ຜ່ານມາໄດ້ແນວໃດ?

ຫຼັກໆແມ່ນສໄຕລ໌ການເຕັ້ນຂອງພວກເຮົາຍັງບໍ່ຄ່ອຍເປັນທີ່ແຜ່ຫຼາຍໃນປະເທດ ເຮັດໃຫ້ຍັງຂາດການສະໜັບສະໜຸນ ໃນບັນຫານີ້ພວກເຮົາ ແລະ ນັກເຕັ້ນຄົນອື່ນໆກໍພະຍາຍາມຊຸກຍູ້ມັນຢູ່, ພວກເຮົາກໍຫວັງວ່າມັນຈະດີຂຶ້ນໃນອະນາຄົດ. ຖ້າເປັນອຸປະສັກພາຍໃນທີມກໍບໍ່ຄ່ອຍຈະມີປັນຫາຫຍັງ ເພາະພວກເຮົາລົມກັນ ແລະ ປຶກສາກັນຕະຫຼອດ ຖ້າມີບັນຫາກໍຊ່ວຍກັນແກ້ໄຂ.

.

6. OG-KIDZ ມີເຄັດລັບໃນການພັດທະນາຕົວເອງແນະນຳບໍ່?

ເຄັດລັບກໍຕ້ອງເປັນຄວາມລັບຕົວະບອກບໍ່ໄດ້ ຢອກໆ 😆. ເຄັດລັບໃນການພັດທະນາຕົວເອງຂອງ OG-KIDZ ຄື ມີວິໄນກັບການຊ້ອມ, ການເຊື່ອໝັ້ນໃນໂຕເອງ, ຄົນໃນທີມ ແລະ ການລົງມືເຮັດ.

 

7. ເປົ້າໝາຍຂອງ OG-KIDZ ແມ່ນຫຍັງໃນເສັ້ນທາງນັກເຕັ້ນ?

ເປົ້າໝາຍຂອງພວກເຮົາແມ່ນ ການເປັນທີມເຕັ້ນທີ່ມີຊື່ສຽງ ແລະ ເປັນທີ່ຍອມຮັບພາຍໃນປະເທດ ແລະ ຕ່າງປະເທດ. ນອກນັ້ນ, ເປົ້າໝາຍຂອງພວກເຮົາຍັງຢາກແບ່ງປັນການເຕັ້ນໃຫ້ແກ່ເດັກນ້ອຍ ແລະ ຄົນອື່ນທີ່ບໍ່ມີໂອກາດໃຫ້ພວກເຂົາໄດ້ຮູ້ຈັກການເຕັ້ນໃຫ້ຫຼາຍຂຶ້ນ.

.

ສໍາລັບຜົນງານຂອງພວກເຮົາແມ່ນຈະມີມາເລື້ອຍໆ ສາມາດຕິດຕາມ ແລະ ຮັບຊົມຜົນງານທີ່ຜ່ານມາຂອງພວກເຮົາໄດ້ທີ່

Facebook: OG KIDZ

YouTube: OG KIDZ

TikTok: OGKIDZ_OFFICIA

Instagram: og_kidzz

.

ຮູບພາບ: The Quality

.

ໂດຍ: ທີມຂ່າວບັນເທີ

ງ muan.la Download https://walkeronline1.blogspot.com/2023/10/blog-post.html

#muan #ມ່ວນ #MuanInterview #OGKIDZ