พุทธทำนาย แม่นมาก 1,000℅

พุทธทำนาย**แน่มาก 1,000℅
***** *****
คนจะได้นั่งต๋ายนอนต๋าย
บ่าแต๋งลายจะได้ขึ้นก้าง จ้างจะได้เล่นกีฬา ปู๋ปล๋าจะได้ติดคุก ตนตุ๊กจะร่ำรวย เจ้ามือหวยจะได้สบาย
งัวควายจะได้ขี่รถ คนร่ายคนก๊ดจะเต๋มเมือง เหล้าจะเปลื๋องเหลือข้าวสุก คนเฒ่าจะตุ๊กเพราะเลี้ยงหลาน
อาจ๋ารจะกิ๋นเหล้า ตุ๊เจ้าจะเอาเมีย
เฮือจะมีตี๋น แผ่นดินจะเลี่ยนเป๋นหน้าก๋อง วัดจะหมอง ครกมองจะห่าง นกยางจะได้หากิ่นไกล่ ง้อนแอกเผือไถจะไปอยู่ในวัง แรตจ้างจะนอนบนหลังคา หมูหมาจะดาดดื่น ต๊องกบต๊องอึ่งจะบ่ตันได้ปอง บวกหนองจะเป๋นปิ๊ษ คนจะคิดฆ่าตั๋วต๋าย เสือลายป๊าดก่อนจะนอนบนบ้าน สาวจะร่านแอ่วหาบ่าว นักข่าวจะรุ่งเรือง ผ้าเหลืองจะเหลือน้อย คนจะใส่สร้อยแผวข่อตี๋น
ของกิ่นบ่ต้องทำ ฝนต๋กฮำจะบ่เปี๊ยะ ควายเผือกจะบ่มีหื้อหัน ลูกหลานจะออกซ่า ห่าจะลงกิ๋น มีตี๋นจะบ่ได้ย่าง มีหนตางจะบ่มีคนเตียวไต่ คนแก่คนใหญ่จะได้นอนลุ่ม คนหนุ่มจะนอนบน สะเปาจะจนกั๋นก๋างอากาศ คนฉลาดจะนอนดึ้ง คนสึ่งจะอาจหาญ หน้อยหนานจะหนีเข้าป่า น้ำต่าจะไหลขึ้นเฮือน ลูกหลานจะบ่ฟังกำเตือนของป่อแม่่ หินแฮ่จะยองบนหัวแหวน คนต่างแดนจะมาอยู่เป๋นกุ่ม. ไม้หนุ่มจะได้มัดไม้แก่ คนจะแย่เพราะกิ๋นเหล้า
คนจะเฒ่าเพราะเกิดเมิน ด้งเหิงจะ
บ่มีคนฮู้จัก พืชผักจะได้นอนในมุ้ง
เปี๊ยดบุงจะบ่มีไผหาบ คนบาปจะรุ่ง
เรือง คนทั่วเมืองจะหูติ๊บต๋าติ๊บ
คนผิดจะอยู่เหนือกฎหมาย ร่างก่าย
คนเฮาจะเต้าต้นปู๋น ต่กป๋างปายลูน
จะได้สิกิ๋นบ่าแขว้งบ่าเขือ เกลื๋อจากทะเลจะบ่เก็ม จะได้งมเข็มใน
มหาสมุทร ก่อนสิ้นสุดห้าพันวะษา
โลกาจะพินาศ จ๋นถึงจ๊าติพระอริ
ยะเมตไต๋ผู้ประเสริฐ จักมาโผดผาย
คนเฮาแลฯ..